Profile photo of Barend

by

Satan kry ’n nuwe naam!

December 19, 2012 in Uncategorized

Ek is net SOOOOOOOOOOOOOOOOOOOOOOOOOOOOO gatvol sommige van onse skrifgeleerdes in hierdie land. Ek KAN net nie meer nie. Nee kyk, wat te erg is, is darem net te erg. ’n Mens kan nie eens ’n radio aanskakel en ontspan nie, dan loop jy jou vas in hierdie godsdienstige maniakke wat hulle bygelowe in jou keelgat afforseer. En wat een week ’n bygelofie is word volgende week ’n instelling wat klakkeloos nagepraat word.

 

So hoor ek nou hierdie storie, nee, ‘Santa Claus’ is eintlik ’n anagram vir ‘Satan Lucas’. Ek is darem bly om te hoor dat dieselfde radiostasie die musiek van die rockgroep KISS speel. Want toe ek ’n kind was het die skrifgeleerdes hoog en laag gesweer nee KISS staan eintlik vir ‘Kids In Satan’s Service’. Die gevolgtrekking wat mens dalk moet maak is dat Kersvader sy eie tailor made rockorkes het. Liewe hemel. Nou weet ons ook wat Sinterklaas op sý IPAD aanhet as hy die geskenkies in die skoorstene  drop en die koekies en die melk afsluk.

 

Toe ek ’n kind was, het ek ‘tannies’ geken met die naam ‘Santa’ (waar ek vandaan kom is die woorde ‘oom’ en ‘tannie’ redelik algemeen en dis ’n opregte vorm van respek wat getoon word teenoor ’n ouer persoon, dit is maar ’n simptoom van ons selfgesentreerde wêreld dat hierdie mooi en onskuldige kulturele gebruik dikwels in ons gemeenskappe beledig word).

 

Ja, daar is tot ’n stad daar in Meksiko, as ek my nie misgis nie, Santa fé.

 

Ek onthou pavanBarend het een jaar ‘Kersvader’ gespeel vir die kinders. Met ’n rooi pak en all. So is pavanBarend dan nou ook seker maar ’n Satanis. Seker het hy ’n altaar daar iewers in sy kas wat hy soms uithaal en offers maak en vreemde rympies opsê. Ek is nou amper seker hy is ’n Vrymesselaar ook.

 

Miskien is DIT hoekom die ou balie ons nooit as kinders ook so gelooi het met Bybelversies soos wat dominee doen nie . . .

 

Of nee wag, miskien is Sataniste Sataniste en Kersvader Kersvader en pavanBarend maar net pavanBarend.

 

En miskien, net miskien, is ‘Santa Claus’ die Amerikaanse vertaling van ‘Sinter Klaas’.

 

In daai geval moet Satan ’n naam in Afrikaans/Nederlands hê wat totaal onbekend is aan my aangesien mens nie met die woord ‘Sinter’ ’n anagram van die naam ‘Satan’ kan maak nie.

 

Ja, ek is seker dit moet dit wees.

Add Comment Register



Leave a reply

Your email address will not be published.


*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>