Avatar of Barend

by Barend

Probleme met koffie en dies meer

February 18, 2014 in Uncategorized

Is dit net ek, of sukkel ander mense ook so met koffie? Met KITSKOFFIE?

 

Toe ek ’n kind was het ons altyd Ricoffee gedrink. Dit was vir my lekker. Maar mettertyd het dit geword asof die smaak daarvan verander het. Die drinkers wat langer as ek lewe sê dieselfde het met Castle Lager gebeur oor die jare. Dit het ander ‘komponente’ begin kry.

 

Nietemin. My lewe is TE gejaag vir koffiebone, so vir baie jare het dit toe geword Nescafe. Maar toe kom daar ’n ander produk op die mark. Groen Frisco. Die poeier is nie self groen nie. Net die houer.

 

Ek drink my koffie swart en sonder suiker. Ricoffee het so rooi kleur. Dis hoekom ek dit Rooikoffie noem. Vergelyk maar die twee gerus, die groen blik Frisco met Ricoffee. Vergelyk die poeier se kleur.

 

Met dinge wat so duur is kan ek nie meer Nescafe bekostig nie, so ek drink maar groen Frisco. Ek hou eintlik daarvan om die twee afte wissel, maar Frisco het werklik ’n lekker geurige en romerige smaak. Vir my het Ricoffee ’n tipe nasmaak waarvan ek nie hou nie.

 

Ek kom van die plaas af. Maar ek hou van die stad. Ek lewe, soos met kitskoffie, in twee werelde. Daar is my stadslewe. Dié kan mens sê is my groen Frisco. En dan is daar die plaaslewe. Dit is weer my Nescafe. Albei het sy plek. Ek het albei nodig. Die een is miskien beter as die ander, maar ek kan nie sonder een van die twee nie. Ek kort beide vir variasie. Vir geld spaar.

 

As elke dag dieselfde moet wees sal ek van my verstand af word.