100% Kommin

‘n Mens hoef net nuus te kyk om te sien dat dinge in die wêreld meestal op die afdraende pad is. Ek hoef niemand te herinner aan enige hierdie of daardie storie nie. Die omvang van nuus in vandag se tyd is van so ‘n aard dat almal van ons daagliks iets sien wat ons sal skok.

Dis vandag maklik om die vinger te wys na alles wat verkeerd is in die wêreld, en almal het ‘n oplossing vir talle probleme. Ons kan egter nie in ons cozy sitkamers sit en vinger wys en niks doen om die wêreld te verbeter nie.

Nou hoe verbeter ons die wêreld?

Begin in jou eie huis. Is jy daar vir jou gesin? Is jy ‘n afwesige pa? Laat jy jou vrou nou en dan nog voel of sy spesiaal is vir jou?

Wat van jou omgewing? Ken jy jou buurman? Is die rede dat ons nie meer ons bure ken nie, nie dalk die rede hoekom ons kinders nie soos ons in die strate kan baljaar nie?

Waneer laas het jy die telefoon gevat en jou ouma gebel sommer net om te hoor hoe gaan dit?

Weet jou ma nog wat in jou lewe aangaan?

Ek dink partykeer ons sit die pot heeltemal mis.Ons is te veel gepla oor dinge wat ons nie kan verander nie en skeep die belangrike goed in ons lewens heeltemal af. Wat het geword van reg en verkeerd. Of die een of die ander een. Niks tussen in nie. Hoekom is ons skaam om op God te vertrou? Van waneer af is ons skaam vir dit waarin ons glo? Bang om op ‘n ander geloof se tone te trap? Is dit wat ons vir ons kinders wil leer?

Waneer het die ommeswaai gekom dat ouers nou skielik vir hulle kinders bang is? Hoekom stuur ons hulle die wêreld in met verwronge idees. Onderwysers mag nie eers vir kinders vinger wys nie dan word hulle summier aangekla. Ouers dink dat kinders engeltjies is, maar eintlik getuig dit net van afwesige ouers.

Dis tyd dat ons as gewone burgers van die land opstaan en hand in eie boesem steek. Dis ons eie skuld dat ons is waar ons is. Dis nog nie te laat om reg te maak waar ons verbrou het nie. Maar binnekort kan dit dalk wees…

Hoezit

Pensie belowe dat as die Cheetahs vandag die magtige Crusaders trap:

• Ek vir ‘n week net oranje kos sal eet.
• Ek vir ‘n week net oranje drankies sal drink.
• Ek ‘n Cheetah sticker op my tjor sal plak.

Verder belowe Pensie om meer verdraagsaam teenoor ondersteuners van die blou span te wees.

(Want as hulle verloor gaan ek baie erger dinge beleef. Simpel weddenskappe)

Cheers

Pensie

Hoezit

Net toe Pensie dink dat sy staking darem nou iets van die verlede is, begin alles weer van voor.

Ja my vullis is kom haal maar… Die slaggate eet my wiele op.

Ja Malema is in die hof maar… Hy blyk nou talle se held te wees.

Ja die Cheetahs het weer gewen maar… Teen ‘n span wat nou nie juis die jaar baie goed presteer nie.

Oor die Proteas (Hou hierdie spasie dop.)

Die Bokke bestaan uit die ouman brigade en Pensie is opreg bekommerd.

Die verkiesing begin by die dag meer soos ‘n sirkus lyk.

Ja nee, soos die Griekwa Psalm sê: “Ek slaat my twee oge op…”

Aan die positiewe kant————————ja wel.

Groetnis

Pensie

Hoezit

Pensie is op ‘n staking.

Hier dan ‘n lys van my “demands” voor ek weer hard sal begin werk.

•          Iemand moet my vullis kom haal
•          Iemand moet vir Malema in die bek ruk
•          Iemand moet die Cheetahs regruk
•          Iemand moet die Proteas “uitsort”
•          Iemand moet die Bokke tot glorie lei
•          Iemand moet die paaie regmaak
•          Iemand moet die verkiesing laat glad loop

DAMMIT MAN, EK BETAAL MOS DAARVOOR!!

Ik heb gezegd

Pensie

Hoezit

Hopelik teen die tyd het al die stof gaan lê oor onse wilgerlat swaaiers. Pensie sal verkies om eerder geen komentaar te lewer nie. Sport in die algemeen het so ‘n bietjie sy glans vir my verloor. Die hele bohaai oor die Super 14 en die Cheetahs is vir Pensie net so ‘n teer sakie. Een ding wat ek egter verseg om van te wyk, is daai een plesier wat ons Kommin(ers) nog aan die gang hou. Braai !

So nou wonder Pensie se uitgesproke vrinne waaroor ons nou gaan gesels. Ek reken toe daar is mos juis nou ‘n nuwe sport op die horison. Verkiesings mannewales. Kyk, dit werk so: Zille kap die ANC, Malema kap vir Zille. Zuma kap de Lille, Malema kap vir Zille. Die VF+ kap die ANC, Malema kap vir Zille.Die Proteas kap NIE die Black caps nie, Malema kap vir Zille.

Die een ding wat Pensie graag sal wil sien in die toekoms van ons goeie ou RS van A, is die volgende: Politiek moet uit sport uit. Die enigste manier hoe ons dit gaan reg kry is om sport te privatiseer. Amerika doen dit al lankal. Laat groot besighede in die privaat sektor toe om byvoorbeeld rugby unies te koop. Sodoende sal ons sport manne die beste betaal word en daar sal nie meer iets soos “kleiner” unies wees nie. Die ander voordeel is dat sport spanne dan soos besighede bestuur sal word en sodoende sal ondersteuners die beste waarde vir geld kry by sport saamtrekke. Meer spanne wat op gelyke grond teen mekaar meeding sal vir beter ontwikkeling op laer vlakke sorg. Dan sal ons uiteindelik sien dat spanne soos die Luiperds, die Valke en die Pumas, actualy ook ondersteuners het. Dis tyd vir verandering.

Mens mag mos droom…

Cheers

Pensie

Hoezit

Pensie het nou eers recover van die naweek se sportdinge. Ek is baie bly dat die manne van die Cheetah unie ook my skrywe lees. Dis net jammer dat mens tot sulke uiterstes soos my kennisgewing moet gaan voor hulle gehoor gee. Ek was dan ook Saterdag aan my woord gestand en het toe na die game my trui aangehad en weer ‘n brannas uit my Cheetah glas gedrink. Die vlag sal ek maar opgevou hou tot ons weer van wen ‘n gewoonte maak.

So gepraat van kennisgewings, die volgende een wat ek gaan gee, gaan aan onse “goverment for the peoples” wees. Almal spring gou op hulle perde en strydwaens as Libië (lees olie) bedreig word, en gaan help gou-gou die mense wat dan nou kammakastig onderdruk word. Met trane in my oë wil Pensie nou weet? : Waar is die lug-aanvalle op Rob Mugaab en sy regime. “Nee” sê Pensie se pelle. “Geen olie”. Nou ja, mense is mos niks werd vandag nie.

Die hele ding met ou (milk)Shaaik en die parool was seker maar verkiesings propoganda. Pensie glo immers dat mense nie meer vir lank hulleself met ‘n wortel voor die neus sal laat lei nie. Check ‘n bietjie hoe dinge gaan verander in die opkomende verkiesing. Dis nou as jy gerigestreer het om te stem. Anders mag jy niks sê nie. Ik heb gezegt.

Nou ja. Die Proteas het ons almal opgewonde, die Cheetahs gee ons hoop en die weer lyk belowend vir Saterdag se vlieghengel. Hoop nie ek raak verstrengel nie.

Cheers

Pensie

Hiermee verklaar Pensie die volgende:

 Totdat my geliefde en lank terug gevreesde Cheetahs van die Oranje Vrystaat iets drasties aan OF hulle spel OF hulle coach OF hulle bestuur doen EN drasties verbeter, sal Ek, Pensie, nie meer my Cheetah vlag laat wapper, uit my Cheetah glas drink of in my Cheetah trui rondwandel nie.

So there!!!

Aan my geliefde Proteas. GOOOOOOOOOOOOOOOOOOOOOOOOO PROTEAS!!!

Wat ‘n game.

Cheers

Pensie

Hoezit

Pensie se braaivleis het die naweek sommer baie sleg in sy mond geword. Kyk, ek gaan nou eerlik wees: Ek ondersteun altyd eerste die Cheetahs. Deur dik en dun. Deur goed en sleg. MAAR IEMAND SKULD MY ‘n VERDUIDELIKING! En dan, die Leeus: Aangesien ek nou die laaste paar jaar in Gauteng resideer kan ek nie anders om die beste vir HULLE ook toe te wens nie. Maar helaas!

En nou die dilemma. Gaan die twee spannetjies komende naweek teen mekaar speel om te verloor? Ek weet nie of ons na tagtig minute enige punte sal sien nie. Ai ai!

Gepraat van koue rillings. Comrade Julius: daars nou gevaar vir ons lekker good ol’ S-A. Die dinge wat uit daai man se mond kom! Meer kinders vir mense wat GEEN kinders kan bekostig nie. 60% van Anglo se bates. Ag asseblief. Self ons ou Kommin(ERS) kan sien dat die mannetjie nie die storie ken van elke aksie se reaksie nie. Pensie voorspel lelike dinge.

Pensie is ook in die moelikheid by sy vriende. Die hele ding met die Proteas maak moles in my vriendekring. Ons is in 2 kampe verdeel. Die wat aan leier Greame se kant is en die teen hom. Pensie het net genoem dat ons dalk ‘n ander opsie vir leier moet probeer. GROOT FOUT!

Maar verstaan ook my verbasing. Ek het Sondag net my oë vir ‘n wyle toegemaak op die rusbank. Die volgende oomblik het ons verloor. Hoe verklaar jy dit. Maar ons bly lojaal en ons staan bankvas agter die boys.

Om alles te top. Vroulief het my die leviete voorgelees. Sy sê as ek nou elke naweek na die rugby en krieket soos ‘n brombeer gaan rondloop gaan sy die dish permanent beskadig. EN dis erg, want dis maar een van die min luxury’s in my lewe. En vandat Die Groot Niekie nie meer uitsaai nie, is RSG se rugby ook maar saai. So Cheetahtjies, maak reg waar ons verbrou, want anders…

Cheers

Pensie

Hoezit

Kyk, die rugby gaan nou nie regtig soos wat ek wou hê dit moes nie. Maar, rugby is rugby en braai gaan ek braai. Daar is immers die outjies van die Proteas wat ‘n man hoop gee en mag hulle die Engelse se tjank behoorlik aftrap. Die Khaki’s het anyway lekker vasgeval teen die Iere en het ek nou nie lekker gekry daaroor nie. Ek hoop van harte ons kan die skrums uitsorteer voor die wêreld beker. Nie dat ek dink dat dit kan gebeur nie. Hoe kan die Bokke ontslae raak van die beste skrummer in die wêreld? Ou Os sal seker nou sy dienste aanbied vir die hoogste bieër. Ek sou.

Uncle JZ se manne reken ons moet die 18de Mei gaan toustaan om kruisies te trek. Dis beslis die regte ding om te doen. Enigeiemand wat NIE stem nie, moet NOOIT by Pensie kla oor alles wat verkeerd is in die good ol’ S.A. nie. Dan moet jy jou bek hou en alles aanvaar soos dit is. Pensie GAAN stem en hopelik so ‘n verskil maak aan sy en sy kinders se toekoms.

Pensie het die week saam met vroulief ‘n kar of twee gaan testdrive. Toe dink ek ek sal maar op die odd week ‘n motor of twee bespreek in my blog. Ek wil noem dat ek nie soos baie mense wat ek ken ‘n “petrolhead” is nie, maar ek hou baie van rygoed en sal dit hanteer so eerlik as moontlik. “I’ll tell it like it is”

Hier dan die eerste een:

GWM CB150

Vroulief was mal daaroor. Vroulief judge ‘n kar op 2 aspekte: Looks en spasie. Ek moet sê, daar is iets aantrekliks oor die ou boksie. Vroulief: 8/10

Die CB150 het soos sy naam aandui ‘n 1500cc enjin in wat nogal nie lui is nie. Sy kragstuur is amazing en hy het al die megefters wat enige komminer sal waardeur. Lugsakke,aircon, elektriese vensters voor en agter en ‘n lekker soundsystem ,en soos vroulief opgemerk het, tonne spasie.

 Wat my die meeste beindruk het is die feit dat na ek hom bestuur het, ek die sitplek net so gelos het, en toe basies agter myself gaan inklim het. Die resultaat was genoeg beenspasie vir ‘n perd.Overall ‘n ougat karretjie.Sy waarborg is 3 Jaar /100 000km met 2 jaar padbystand.

Die negatiewe is die feit dat ek geen rekord van Euro N-Cap op die CB150 kan kry nie. Dis nogal belangrik vir Pensie dat Vroulief en klein Pensie veilig sal wees in ‘n mate sou hulle in ‘n ongeluk betrokke wees.

Maar as jy , soos Pensie , op ‘n tight budget is is dit beslis die moeite werd om by GWM ‘n draai te gaan maak.Sy prys begin by ‘n respektabele R124 990.

Pensie se score: 6/10

Groetnis van die ‘burbs

Pensie